«Aygün Bəylərin vəfatı mədəniyyətimiz üçün çox ağır itkidir».
Musavat.com xəbər verir ki, bu sözləri Əməkdar incəsənət xadimi Aygün Səmədzadə mərhum Əməkdar artist Aygün Hümmətova ilə keçirilən vida mərasimində deyib.
«Onu qoruya bilmədik. Özü də özünü qoruya bilmədi. Son dəfə konsertindən öncə «Tut ağacı» mahnısı ilə bağlı danışmışdıq. Əslində, xəstəliklə bağlı sonu bilirdik. Amma nə qədər bilsək də, düşünürdük ki, Aygün Bəylər həmişə yaşayacaq. Bizim onunla çox fərqli münasibətimiz olub. Mənim mahnılarımı ifa edib. Məni kimsə tanımayanda deyirəm ki, «Məktəb illəri», «Tut ağacı»nın bəstəkarıyam. İnsanların siması o anda dəyişir. Mahnıların özü bir xatirəyə çevrildi», — deyə Aygün Səmədzadə qeyd edib.
