«Neçə gündür müğənnilərin kaprizləri ilə üzləşirəm. Xeyli sinir yaşayıram, əsəbiləşirəm».
Axşam.az xəbər verir ki, bu sözləri aparıcı Afaq Gəncəli «Səhər mərkəzi» proqramında deyib. O, «Şourum» verilişində dəvət etdiyi sənət adamlarından gileylənib:
«Verilişə müğənniləri, aparıcıları dəvət edirəm. Bəziləri gəlir, başlayır «yox» onu təqdim etməyəcəm, onun üçün çox olar. Hörmət edirsən ki, evinin qonağıdır. Başqasını dəvət edirsən ki, gəl, deyir yox. Deyirsiz, gəlim oxuyum danışım. İndi saat yarım sizin əlinizdədir, gəl oxu, danış. Ya da başlayırlar ki, «Filankəs mənim haqqımda pis danışdı». Axı biz imkan vermirik kimsə orada başqasını təhqir etsin. Deyirlər, mənə ağız büzdü».
