Son günlər sənət aləmində məşhurlar dostluqlardan gileylənib. Bu dəfə Əməkdar artist Gülüstan Əliyeva xanımlar arasında dostluq olmadığını deyib.
Axşam.az xəbər verir ki, bu haqda xanəndə MTV-yə açıqlamasında deyib. İfaçı bildirib ki, heç kimlə dostluq etmir:
«Dostluqların olmamasının təsdiqləyirəm. Həyatın qanunudur. İş prosesimizin bəlkə tələbidir. Qadın-qadınla, kişi-kişi ilə rəqabət aparır. Hər ikisi neytral zonada olub, bir-birinin işinə mane olmayanda dostluq davam edə bilir.
Başqasının qazdığı quyuya çox düşdüm. Heç olmadığım bir yerdə olduğumu deyirlər. Hətta bir dəfə yazılmışdı ki, bir hadisə olanda orada olmuşam. Bunlara normal baxıram. Sənət elə çətin bir sahədir ki, neytral qalmaq çox çətindir. Elə sənət adamı var ki, danışdırmıram onu. Amma sənətinə qiymət verirəm».
Qeyd edək ki, bir neçə gün əvvəl müğənni Zamiq Hüseynov da şou-biznesdə dostluq olmadığından danışmışdı.
