Alman saytı ostexperte.de Qərbi Kaspi Universitetinin pandemiya şəraitində tədris təcrübəsi, rəqəmsallaşma yolu ilə mövcud vəziyyətin təhsilə təsirlərinin minimum endirilməsi ilə bağlı təcrübəsinə dair məqalə yayımlayıb. Universitetin Qəyyumlar Şurasının sədri, professor Hüseyn Bağırova istinad edən sayt qeyd edir ki, keçidi sürətləndirmək və ictimaiyyətin onlayn öyrənmə anlayışını yaxşılaşdırmaq üçün universitet çevik tədris, biliklərin itkisiz ötürülməsi və mənimsənilməsi üzərində işləyib.“Rəqəmsal transformasiya tələbələrin hətta pandemiya dövründə də təcrübə keçməsinə şərait yaradıb. Bəziləri hətta Böyük Britaniyada, ABŞ-da və digər aparıcı ölkələridə yüksək profilli işlərə yiyələniblər», — deyə professor Bağırov vurğulayıb.
Yazıda qeyd edilir ki, Qərbi Kaspi Universiteti hazırda bu dəyişiklik proseslərinin dinamikasından istifadə etmək və beynəlxalq şəbəkəsini genişləndirmək üçün çalışır. “Xüsusilə Almaniya universitetləri ilə müxtəlif proqramlar, eləcə də ikili diplom layihələri, doktorantura proqramları istiqamətində əməkdaşlıq əlaqələri formlaşdırılır. Universitet həmçinin yeni beynəlxalq tərəfdaşların proqram təkliflərinə açıqdır və təkcə Azərbaycanda deyil, bütün Xəzər regionunda pioner olmaq istəyir. Xarici tərəfdaşlar Azərbaycanın və onun gəncliyinin potensialından bu regionla əməkdaşlığı genişləndirmək üçün yararlana bilərlər” – deyə məqalədə vurğulanır.
Məqaləyə keçid:
