Aparıcı Afaq Gəncəli uzun fasilədən sonra qayıdır.
O, bu haqda «Xəzər TV»yə açıqlamasında deyib. Afaq bildirib ki, yenidən maqazin verilişi ilə tamaşaçıların qarşısına çıxacaq:
«Özümü əla hiss edirəm, bol enerji toplamışam. Çoxlu xəbərlər, maraqlı layihə və maqazin verilişi sizi gözləyir. Fərqli tərzdə olacaq».
Qeyd edək ki, Afaqın iki ilə yaxındır maqazin verilişinin yayımı dayanıb. O, ötən mövsüm səhər proqramı ilə tamaşaçıların qarşısına çıxırdı. Afaq ATV-də «Onlar», «Xəzər TV»də isə «Şourum» maqazin verilişinə aparıcılıq edib.
