Yenilik.Az
ww.Aydinliq.Az » Təhsil » BDU-da Heydər Əliyevin anadan olmasının 97-ci ildönümünə həsr olunmuş müsabiqəsi başa çatıb

BDU-da Heydər Əliyevin anadan olmasının 97-ci ildönümünə həsr olunmuş müsabiqəsi başa çatıb

BDU-da Heydər Əliyevin anadan olmasının 97-ci ildönümünə həsr olunmuş müsabiqəsi başa çatıb
2020-05-10 , 20:55

BAKI DÖVLƏT UNİVERSİTETİNİN elan etdiyi Ümummilli Lider Heydər Əliyevin anadan olmasının 97-ci ildönümünə həsr olunmuş “HEYDƏR ƏLİYEV: DAHİ ŞƏXSİYYƏT, ƏBƏDİYAŞAR LİDER” adlı TƏLƏBƏ ONLAYN ESSE MÜSABİQƏSİ başa çatıb.

Bakı Dövlət Universitetinin (BDU) 16 aprel 2020-ci il tarixində elan etdiyi, Ümummilli Lider Heydər Əliyevin anadan olmasının 97-ci ildönümünə həsr olunmuş “Heydər Əliyev: dahi şəxsiyyət, əbədiyaşar lider” adlı tələbə onlayn esse müsabiqəsi başa çatıb. Müsabiqədə Bakı Dövlət Universitetinin 70-dən çox tələbə və magistrantı iştirak edib. Təqdim olunmuş esselər Müsabiqə komissiyası tərəfindən qiymətləndirilib.

Müsabiqə komissiyasının qərarı ilə:

· Birinci yerə - Filologiya fakültəsinin III kurs tələbəsi Nigar Əliyeva;

· İkinci yerə - Sosial elmlər və psixologiya fakültəsinin II kurs tələbəsi Gülşən Qasımova;

· Üçüncü yerə - Hüquq fakültəsinin II kurs tələbəsi Lalə Həsənzadə və Şərqşünaslıq fakültəsinin II kurs magistrantı Taleh Mansurov;

· Həvəsləndirici yerə - Sosial elmlər və psixologiya fakültəsinin III kurs tələbəsi Fəridə Yusibova, Beynəlxalq münasibətlər və iqtisadiyyat fakültəsinin III kurs tələbəsi Məleykə Bayramlı, Jurnalistika fakültəsinin I kurs magistrantı Nigar Abbasova, Geologiya fakültəsinin II kurs magistrantı Yusif Nəbizadə, Jurnalistika fakültəsinin IV kurs tələbəsi Kənan Novruzov, Jurnalistika fakültəsinin I kurs tələbəsi Əsgər İsmayılov layiq görülüblər.

Qaliblərin esseləri BDU-nun rəsmi saytında, sosial mediada və “Bakı Universiteti” qəzetində dərc olunacaqdır. Qaliblər diplom və müvafiq olaraq 1-ci yer

- 300 manat, 2-ci yer - 250 manat, 3-cü yer (2 nəfər) - 200 manat, həvəsləndirici yer (6 nəfər) - 100 manat pul mükafatı ilə təltif ediləcəkdir.

Qalibləri təbrik edirik!

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.