Flora Kərimovadan küsülü olduğu Röyaya barışıq addımı

Flora Kərimovadan küsülü olduğu Röyaya barışıq addımı Xalq artisti Flora Kərimova illərdir küsülü olduğu Röya Ayxana barışıq addımı atıb.
Müğənni "ATV maqazin onlarla" proqramında onunla duet oxuyub-oxumayacağı haqda suala gözlənilməz cavab verib:
"Niyə olmasın? Ürəyi, səsi, şirinliyi, şıltaqlığı, zarafatı var. Niyə duet oxumayaq?".

Qeyd edək ki, F.Kərimova ilə R.Ayxan arasında qalmaqal məhkəməyə qədər gedib çıxmışdı. Kərimova Röyanın səs diapozonunun kiçik olduğunu söyləyib. Ondan sonra tərəflər dəfələrlə bir-birinin ünvanına təhqirlər səsləndirib. Bir müddət əvvəl isə Kərimova Röyanın ünvanına "Röyanın ürəyi var. Bilirsiniz o, mənə kimi xatırladır? Yeni doğulan körpə uşaqlar olur, onu bələmək, sığallmaq istəyirsən. Onları xatırladır. Mən heç nəyi unutmuram. Qisas alanam. Ancaq elə insanlar var ki, onlara qıymıram" sözlərini söyləyib./Axşam.az

Geri qayıt