«Kaş ki, zamanından başqa cür yaşayardım: 20 yaşımdan gedərdim başqa ölkəyə, təhsil alardım, amma qayıdardım yenidən. Bu həyatdakı ən böyük xoşbəxtliyim yaşamağımdır. Həyatımın davam etdiyini və qocalmağımı görməyimdir».
Axşam.az xəbər verir ki, bu sözləri aktrisa Zümrüd Qasımova «Səhər mərkəzi» proqramında deyib. Aparıcı Tural Əsədovun suallarını cavablandıran sənətçi sözlərinə belə davam edib:
«Gözəl filmə çəkilmək istəyirəm və gənc qızı oynamaq istəyirəm. Ən böyük arzum 70 yaşımı görməkdir, 60-da olar. Digər bir arzum isə 5 uşağım var, onların toyunu görüm. Bacımın övladlarıdır. Hazırda 40 yaşım var, amma deyirəm ki, 38 yaşındayam. Çünki pandemiyadakı 2 ili saymıram, mən onda yaşamadım».
