Yenilik.Az
www.Aydinliq.Az » Kriminal » 20 “JURNALİSTƏ” VERİLƏN MƏNZİL GERİ ALINACAQ - Saxta sənədlər üzə çıxıb...

20 “JURNALİSTƏ” VERİLƏN MƏNZİL GERİ ALINACAQ - Saxta sənədlər üzə çıxıb...

20 “JURNALİSTƏ” VERİLƏN MƏNZİL GERİ ALINACAQ - Saxta sənədlər üzə çıxıb...
2021-01-19 , 15:33

Prezidentin jurnalistlər üçün tikdirdiyi binada ev bölgüsündə ciddi qanun pozuntularına yol verildiyi sübut olunub. Ötən ilin iyulundan başlayan araşdırma artıq yekunlaşıb.

Baş Prokuror yanında Korrupsiyaya qarşı Mübarizə Baş İdarəsi tərəfindən aparılan istintaqa ikinci binadan ev alan əksər jurnalistlər cəlb edilib, onların izahatları alınıb. Hətta bəzi jurnalistlər bir-neçə dəfə dindirilib. Bu barədə “Bakıpost.az” məlumat yayın.
Araşdırma nəticəsində məlum olub ki, mənzil verilən 20 nəfər “Jurnalistlər binası”ndan ev almaq üçün müəyyənləşmiş kriteriyalara uyğun deyil. Bəzilərinin fəaliyyəti orada qoyulan tələblərə cavab vermir, bəzilərinin isə təqdim etdiyi sənədlər saxtadır.
Məsələ ilə bağlı sənədlər toplanıb və aidiyyəti qurumlara təqdim olunub. Saxta yolla əldə edilən mənzillərin geri alınacağı gözlənilir.
Məlumat üçün bildirək ki, qaydaya görə mənzil almaq istəyən jurnalist ən azı son 3 ildə fasiləsiz fəaliyyət göstərən kütləvi informasiya vasitəsi (televiziya və radio yayımçıları, qəzet, jurnal, informasiya agentliyi, internet xəbər portalı və saytı) komissiya tərəfindən müəyyənləşdirilmiş şərtlərə uyğun olaraq Bakı şəhərində fəaliyyət göstərən əməkdaşlarının namizədliyini irəli sürə bilərdi.
Şərtlərə əsasən, televiziya və radio yayımçılarının 10, gündəlik qəzetlər və informasiya agentliklərinin 6, həftəlik qəzetlər, jurnallar, xəbər portalları və saytların isə 3 namizəd müəyyənləşdirə bilmək imkanı vardı.
Namizədliyi verilən KİV əməkdaşı həmin redaksiyada ən azı fasiləsiz 3 il, KİV-lərdə isə ən azı fasiləsiz 10 il fəaliyyət göstərməli idi.
Adları Mətbuat Şurasının "qara siyahı"sına daxil edilən, barələrində məhkəmə qərarı olan və qanunvericiliyin tələblərini pozduqlarına görə Baş Prokurorluq tərəfindən xəbərdarlıq almış KİV-lər təqdimat verə bilməzdilər.
Qeyd edək ki, “Jurnalistlər binası”nda mənzillərin bölgüsündə baş verən saxtakarlıqlarda Prezidentin sabiq köməkçisi, Prezident Administrasiyasının keçmiş şöbə müdiri Əli Həsənovun və Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq rəhbərliyinin, eləcə də bəzi tanınmış baş redaktorların adları hallanır.
Artqı KİVDF-nin sabiq rəhbəri Vüqar Səfərli saxlanılıb. Saxtakarlıqda iştirak edən digər şəxslərin də məsuliyyətə cəlb ediləcəyi gözlənilir.

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.