Anar Cəbrayıllı ona zəng edən jurnalisti təhqir etdi: “Ay sənin kişiliyinə tüpürüm..." - ŞOK VİDEO

“Azərsu” Açıq Səhmdar Cəmiyyətinin (ASC-nin) mətbuat  katibi  Anar  Cəbrayıllı ona  zəng  edən  jurnalisti  ağır  sözlərlə  təhqir  edib.

Oxu24.com  xəbər  verir  ki,  bununla  bağlı   sosial  şəbəkələrdə  səs yazısı  yayılıb. Su axıntısı ilə  bağlı  mətbuat  katibinə  zəng  edən  jurnalist  gözlənilmədən  ağır  təhqirə  məruz  qalıb.
Anar Cəbrayıllı: “Ay sənin kişiliyinə tüpürüm, sənin üzünə tüpürüm, sizin kimi jurnalistləri “dama soxmaq” lazımdır. Siz nə qədər həyasız-abırsız adamlarsınız, hər şeydən ötrü Qorxmaz müəllimi niyə narahat edirsiniz” cümlələri  ilə  ona  zəbg  edən  jurnalisti  hədələyib.
Səs yazısı ilə bağlı A.Cəbrayıllı mövqeyini bildirib: "Dostlar, məlum səs yazısı ilə bağlı həqiqəti deyim bilin. Bu danışıq təxminən 3 ay əvvəl reket jurnalist Rafaellə mənim aramda olub. Reket jurnalist 4-5 ay əvvəl mədəsinin, bağırsağının endoskopiya və kolonoskopiya şəkillərini çəkib atıb rəhbərliyə, yardım istəyib. Dəfələrlə rəhbərliyə və mənə zəng edib, votsapda yazıb. Sözün əsl mənasında bezdirib, zəhləmizi töküb. İstəyi alınmayanda qərəzə keçib, istirahət günü rəhbərliyə zəng edib. Sonra zəng edib, mənimlə uzun-uzadı danışıb və məni hövsələdən çıxarıb. Sonra məni şantaj etməyə başladı ki, səs yazısını yayacam, gəl görüşək mən isə birmənalı onu rədd etdim. 3 aydan sonra səs yazısını yaydı. Azərbaycan nəşriyyatında hamının yaxşı tanıdığı rafaelin həyat yolu belədir, şantaj, dələduzluq, yolçuluq və dilənçilik etmək. Onun da məndə səs yazıları var (özü göndərib), yalvarışlı mesajları var. Amma mənim onları və onun haqqında bildiklərimi yaymaq fikrim yoxdur."