Yenilik.Az
www.Aydinliq.Az » Cəmiyyət » “Accessbank” müəllimləri necə aşağıladı? – Ucuz piar, müəllimlərə barmaqarası baxış… – FOTO

“Accessbank” müəllimləri necə aşağıladı? – Ucuz piar, müəllimlərə barmaqarası baxış… – FOTO

“Accessbank” müəllimləri necə aşağıladı? – Ucuz piar, müəllimlərə barmaqarası baxış… – FOTO
2020-09-25 , 18:39

Təhsil işçilərinə, müəllimlərə hörmət xalqımızın mental dəyərlər sisteminin ən vacib xüsusiyyətlərindəndir. Təəssüflər olsun ki, ucuz reklam üsualları ilə müəllimlərə qarşı hörmtəsizlik artıq bəziləri üçün fəaliyyət prinsipinə çevrilib. 

Azsiyasət.com xəbər verir ki, “Accessbank”ın 5 oktyabr – “Beynəxalq müəllimlər günü” ilə bağlı başlatdığı kredit kampaniyasına diqqət etsək şahidi olacağıq ki, bank müəllimləri açıq şəkildə lağa qoyur, hətta tapşırıq dəftərçəsində “sərfəli şərtlər ilə kredit verən bankı tapmaq” xüsusi tapşırıq kimi qeyd olunur. Sanki bu günə qədər heç bir bank müəllimlərə kredit verməyib, heç kəs saymayıb və “Accessbank” bu “tilsim”i qıraraq müəllimlərə kredit təklif edir. Amma necə, hansı piarla? Əslində “Accessbank”ın bu kampaniyasında təhsil işçilərinin, müəllimlərin ünvanına şüuraltı belə bir minnət tezisi çatdırılıb: “Baxın, sizi heç kim saymır, heç bir bank sizə kredit vermir, amma biz “Accessbank” olaraq müəllimlərə kredit təklif edirik…”.
Heç şübhəsiz ki, “Accessbank”ın müəllimlər üçün kredit kampaniyasına start verməsi normal haldır. Ancaq şit piar üsualları ilə müəllimləri aşağılamaq yolverilməzdir. Görünür, “Accessbank” yüksək faiz dərəcələri ilə özünün kredit portfelini düzəltməyi və bankın sabit maliyyə sistemini yaratmağı bacarsa da, reklam sarıdan hələ də şikəst olaraq qalır. “Accessbank” bu günə qədər hansı ağıl və məntiqlə ölkənin bank skeotrunda öz mövcudluğunu qoruyub saxlamağı bacarıbsa, eləcə də, sosial şəbəkələrdə özünün reklam postlarında məsuliyyətli, məntiqli üsullardan istifadə etməyi, reklamın ən azı mənəvi məsuliyyət yaratmayan yollarını axtarıb tapmağı bacarmalıdır. Azərbaycan müəllimlərinə bu cür barmaqarası və məsuliyyətsiz baxış, onları “hörmətsiz təbəqə” kimi qələmə vermək cəhdi “Accessbank” nüfuzuna da xələl gətirir.
Özünün biznes, maliyyə maraqları naminə yersiz və aşağılayıcı reklam üsulları ilə müəllimləri kredit bataqlığına cəlb etmək, onların düşdüyü ağır durumdan öz maraqları naminə istifadə etmək “Accessbank”ı mənəvi məsuliyyətdən azad etmir. Elə buna görə də bankın Facebook səhifəsində (“Accessbank Azerbaijan”) müəllimlərə kredit verilməsi ilə bağlı yerləşdirilən posta bir çox insanlar haqlı olaraq etiraz edirlər. “Real” TV-nin əməkdaşı Lalə Nurəddinqızı da bankın müəllimlərlə bağlı məlum postunu paylaşaraq öz etirazını bildirib. 

Bundan başqa, “Accessbank”ın yerləşdirdiyi postun altına xeyli sayda insanlar da bankın kredit siyasəti ilə bağlı narazılıqlaını ifadə ediblər. Məsələn, “Accesbank”ın Vidadi Həşimli adlı keçmiş müştərisi yazır: “… Mən sizin yaxın keçmişdə yaxşı kredit tarixçəsi olan mustəriniz olmuşam. Yenə 1600 manat kredit istədim. Əməkdaşiniz sağ olsun yersiz və mənasiz sualları ilə canımı burnuma gətirdi. Mən də vazkecdim kredit ğotürməkdən. Belə olmaz”./Azsiyasət.com

https://azsiyaset.com/arashdirma-reportaj/833-Accessbank-muellimleri-nece-ashagiladi-Ucuz-piar-muellimlere-barmaqarasi-baxish-FOTOLAR.html
 

Redaksiya ilə əlaqə: (+994) 50 295 94 79 | [email protected]
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.