MİKAYIL CABBAROVUN FEDERASİYASINDA QALMAQAL: ONLAR DÖVLƏTİN PULUNU BELƏ MƏNİMSƏDİLƏR

Əlaqə: 994 50 295 94 79, aydinliqaz@mail.ru
  • 9
    Shares

Mikayıl Cabbarovun rəhbəri olduğu Azərbaycan Qılıncoyunatma Federasiyasında idmançılar ayağa qalxıb.

Unikal.org-un əldə etdiyi məlumata görə, qılıncoyandanlar baş məşqçi Çingiz Mustafayevin “siyasətinin” “qurbanı” olurlar. Ç.Mustafayev milli komandaya öz tanışları və yaxılarının övladlarını qəbul edir, istəmədiyi idmançıları isə komandadan uzaqlaşdırır.

Saytımıza verilən məlumatda bildirilir ki, gənc idmançıları məcburi olaraq təqaüdçülər sırasına qatıb və onların yerinə “milliləşdirilmiş” idmançılar daxil edib. Hazırda millinin heyətinə 2 rusiyalı qılıncoynadan daxil edilib.

Milli komandanın üzvlərindən birinin valideyni Nigar Əliyeva da Ç.Mustafayevdən şikayətçi olanlardandır. O, qılıncoynatmanın hazırki vəziyyətinin əvvəlkindən də pis olduğunu deyib:

“Hər bir ölkədə milli komandalar yarışlara gedib uğurlara imza atırlar, bizdə isə vəziyyət getdikcə ağırlaşır. Ümumiyyətlə ölkəmizin Qılıncoynatma Federasiyasında, onun siyasətində əsas işlər “səndən xoşum gəlir və ya gəlmir” sistemiylə aparılır. Obyektiv yanaşsaq 2 il bundan əvvəl hər şey pis idi, indi daha bərbad olub. İdmançılar dostluq-qohumluq prinsipiylə seçilir. Geyimlər insanın hörmətinə və ya böyük qalmaqaldan sonra verilir. Qalan qılınc və digər aksesuarları idmançılar öz ciblərindən alırlar. Deməli, uşağınız 15-16 yaşına çatıbsa, məşqçi elitasının xoşuna gəlmirsə, onu təqaüdçülər qrupuna salırlar, növbəti taleyi ilə heç kim maraqlanmırlar. İdmançı etiraz etsə, onun üçün elə şərait yaradırlar ki, o özünü gücsüz, lazımsız biri kimi hiss edir. Baxmayaraq ki, illər öncə valideyinə “sizin uşağınız yığmada iştirak edəcək, yarışlara qatılacaq” deyilirdi. Bu vədlərə görə, onlar təhsilini atıb, özünü bu idmana həsr ediblər. Uşağın adi bir uğursuzluğu nəticəsində onu bu idmana uyğun olmayan kimi qələmə verirlər. Halbuki, bir il öncə o idmançı haqda belə sözlər deyilməyib. Bizim uşaqları bu idman növündə öyrədən yoxdur. Federasiyadakılar üçün 15-16 yaşlı idmançılar (söhbət millidəki məşqçi heyətindən gedir: red) çox qorxuludur. Onlara 11 yaşlılarla işləmək isə çox asandır, prespektivli olacaq deyə aldadılır. İndiyə qədər bir nəfər də olsa uğurlu idmançı yetişdirməyən məşqçidən nə gözləmək olar? Aprel ayında gənclərdən ibarət milli komanda məşqçisiz qalacaq. Hamı dünya çempionatına gedib. Niyə hər 6 idmançıya 4 məşqçi düşür? Federasiyanın zalında bir nəfər də yoxdur. Təbii ki, pulsuz olaraq, dövlət hesabına Polşaya uçmağı təklif etsəydilər, mən də razılaşardım. Bu idman növünə aid silahları buradakılara 54 dollara satırlar. Çin istehsalı olan idman geyimlərini “bu sənə vacibdir deyərək, “sırıyırlar””.

Related Articles

050-295-94-79
top