Mehriban Əliyeva Bəhram Bağırzadəni qəbul etdi

Əlaqə: 994 50 295 94 79, aydinliqaz@mail.ru

Azərbaycanın Birinci-vitse prezidenti Mehriban Əliyeva martın 4-də Əməkdar artist Bəhram Bağırzadəni qəbul edib.

“Ölkə.Az” xəbər veirir ki, görüşdə martın 1-də Prezident İlham Əliyev və birinci xanım Mehriban Əliyevanın mədəniyyət və incəsənət xadimlərinin bir qrupu ilə görüşündə B.Bağırzadənin Bakıda görkəmli xeyriyyəçi Hacı Zeynalabdin Tağıyevə heykəl ucaldılması ilə bağlı irəli sürdüyü təklif müzakirə olunub.

B.Bağırzadə bildirib ki, açığı, hər şeyin belə tez baş verəcəyini gözləmirdi: “Prezident İlham Əliyev və birinci xanım Mehriban Əliyeva ilə görüşümüzdən cəmi bir neçə gün keçib və məni yenə dəvət etdilər, Hacı Zeynalabdin Tağıyevin heykəli ilə bağlı fikirlərimi dinlədilər. Görüşdə ilkin olaraq heykəlin ucaldılacağı ərazinin müəyyən edilməsi barədə razılığa gəlindi. Bunun üçün şəhərin mərkəzində beş-altı yer təklif olundu. 

Seçimi peşəkarlar – şəhərsalma üzrə mütəxəssislər, memarlar və heykəltəraşlar edəcəklər. Sonra heykəltəraşlar arasında müsabiqənin elan ediləcəyi gözlənilir və onlar öz işlərini təqdim edəcəklər. Komissiya yaradılacaq, ən yaxşı iş seçiləcək. Müsabiqədə tələbələrdən tutmuş ən tanınmış peşəkarlara qədər hər kəs iştirak edə biləcək”.

Related Articles

050-295-94-79
top