SƏFƏR MEHDİYEV QARA İŞLƏRİ ONUN ƏLİ İLƏ GÖRÜR… – İDDİA

Əlaqə: 994 50 295 94 79, aydinliqaz@mail.ru

Hazırda Gömrük Komitəsinin “Azərterminalkompleks” birliyinin direktoru vəzifəsində çalışan gömrük general mayoru Ehtiram Xəlilovla bağlı dia.az-a ilginc informasiyalar daxil olub. Belə ki, bilgili qaynağın iddialarına görə, əvvəllər Dövlət Gömrük Komitəsinin hazırki sədri Səfər Mehdiyevə o qədər də yaxın olmayan, sonradan, yəni Səfər Mehdiyevin DGK rəhbərliyinə təyinatının ardından səf dəyişdirən Ehtiram Xəlilov bu gün yeni rəhbərliyin “qara kassası” rolunda çıxış etməkdədir.

Ehtiram Xəlilovu hazırda tutuduğu vəzifəyə Səfər Mehdiyev təyin edib: “Daha əvvəl isə o, Aksiz Baş Gömrük idarəsinin rəisi vəzifəsində çalışıb. Bundan əvvəl isə Sumqayıt gömrüyünə rəhbərlik edib. Lakin harda işləməsindən, yəni hansı kürsüdə oturmasından asılı olmayaraq Ehtiram Xəlilovun əsas vəzifəsi məhz köhnə rəhbərliyin özü və qonaqları üçün məclis tərtib etmək olub”.

Mənbənin sözlərinə görə, Etiram Xəlilovun əsas istedadı da məhz bunula yekunlaşıb: “Yəni onun peşəkar gömrükçü kimi elə bir məziyyətləri də yoxdur. General paqonunu da ona elə köhnə rəhbərlik hədiyyə edib. Amma sonradan Ehtiram Xəlilov “hər cür şəraitə uyğunlaşma” məharətini ortaya qoyaraq Səfər Mehdiyevin səngərində yer alıb. Nəticəsi isə təbii ki, vəzifə mükafatı və bu gün də Səfər Mehdiyevin xidmətində dayanmaq olub”.

Mənbə dia.az-a açıqlamasında əlavə edir: “Səfər Mehdiyev DGK sədri olduqdan sonra Etiram Xəlilov bütün qara biznesə nəzarətetməkdədir. Gömrükdə hansı yüklər hara gedir, – bunu ondan soruşmaq olar. Təbii ki, bu da Səfər Mehdiyev üçün olduqca incə məsələlərdəndir”.

Əlavə bilgilərimiz olacaq. Qarşı tərəfi də dinləməyə hazırıq…

Related Articles

050-295-94-79
top