SƏNAN HACIYEVİN VİLLALARI: GƏNCƏ MƏDƏNİYYƏT İDARƏSİNDƏ İŞƏ QƏBUL NEÇƏYƏDİR? – ŞOK İTTİHAMLAR

Əlaqə: 994 50 295 94 79, aydinliqaz@mail.ru
  • 2
    Shares

Gəncə Regional Mədəniyyət İdarəsi rəisi Sənan Hacıyev üçün də qara günlərin başladığı xəbərləri yayılıb

İdarə rəisinin yeri dəyişdirilə bilər. Nazir Əbülfəs Qarayevin onu yaxın bölgələrdən birində mədəniyyət şöbəsi müdiri təyin edəcəyi gözləntisi var.

Çünki yaxşı əlaqələrə malik olduğu Gəncənin keçmiş icra başçısı Elmar Vəliyev artıq yoxdur. Bu da dayaqlarını zəiflədib. Hər il rayonlarda külli miqdarda vəsait mədəniyyət evlərinin, klubların, təmirinə sərf olunsa da, həmin mədəniyyət evləri faktiki olaraq təmir olunmur və xarabazarı xatırladır.

Bir qayda olaraq həmin mədəniyyət evlərində, klublarda, kitabxanalarda quşlar yuva qursa da, sənədlərdə onlarla həmin mədəniyyət evlərində, klublarda, kitabxanalarda onlarla işçi çalışır və dövlətdən maaş alır. Gəncə Mədəniyyət İdarəsinin müdiri “ölü can”ların hesabına hər ay külli miqdarda qazanc əldə edir. Bu haqda AzMedia.info yazmışdı.

Məlumata görə Gəncə Mədəniyyət və Turizm İdarəsində işə qəbul qaydaları tamamilə fərqlidir. Sənan Hacıyev Gəncə şəhər 5 saylı musiqi məktəbinin direktoru vəzifəsində çalışıb. Sənan Hacıyev işə qəbul sistemində ixtisas, təhsil və s. faktorlar qətiyyən rol oynamır. İstənilən şəxs, istənilən ixtisasa işə alına bilər. Hətta santexnik belə.

Mediaya istinadl xəbər verir ki, əsas odur qarşı tərəf Sənan Hacıyevə istədiyi məbləği versin. Sayt belə yazıb. Pulun yoxdursa və ixtisasın varsa, Sənan müəllimdən pul almaq imkansızdır. İddialaraa görə Gəncə Şəhər Mədəniyyət İdarəsinə işə girmək istəyən şəxs Sənan Hacıyevə ən azı 5 min manat verməlidir. Klub müdiri, kitabxana müdiri kimi vəzifələr isə azı 7 min manata satılır.

Bu arada, Gəncə şəhər Mədəniyyət və Turizm İdarəsində hər il büdcədən ayrılmış vəsaitlərin silinməsi üçün xüsusi tədbirlərin görüldüyünü yazan sayt iddia edir ki, idarəyə təmir işlərinin satın alınması adı ilə ayrılmış vəsaitlərin nəyə xərcləndiyi kimsəyə məlum deyil.

Bundan başqa Gəncə şəhər icra hakimiyyətindən ayrılan külli miqdarda vəsaitlərində xərclənməsində qaranlıq məqamların olduğu deyilir. Həmin vəsaitlər sənədləşdirmələrdə sosial-mədəni və məişət təyinatlı obyektlərin əsaslı təmir işlərinin satın alınmasına, bərk invertarların, maşın avadanlıqlarının, cari təmir, dəftərxana, təsərrüfat malları və sair xərclər maddəsi üzrə xərclənib.

Şikayətçi bildirir ki, Turizm idarəsinin xərclədiyi vəsaitlər sənədlərdə fantastik dərcədə şişirdilib. Sənan Hacıyevin əsas qazanc mənbələrindən biri isə Gəncə Mədəniyyət və Turizm İdarəsində adı olan özü olmayan «ölü can»lardır. İddiaya görə köhnə müdirin dövründən qalan bu «ölü can»lar Sənan Hacıyevində işinə daha çox yarayıb. İdarə müdirinin hər ay bu «ölü can»ların hesabına ən azı 20-25 min manat qazandığı iddia olunur.

Bütün bunlar bir daha onu deməyə əsas verir ki, Gəncə şəhər Mədəniyyət İdarəsinin rəhbərliyi müxtəlif yollarla dövlət büdcəsini talamaqla məşğuldur. Sənan Hacıyev idarə müdiri keçdikdən sonra Bakıda özünə mənzil, Gəncədə isə obyekt alıb. Hətta Göygöl rayonunda dəbdəbəli villada tikdirdiyi iddialar arasındadır.

Onun mövqeyini dərc etməyə hazırıq.

Cahan.info

Related Articles

050-295-94-79
top