İCRA BAŞÇISI MİNAYA DÜŞƏN GƏNCİN VƏZİYYƏTİNDƏN DANIŞDI

Əlaqə: 994 50 295 94 79, aydinliqaz@mail.ru
Bir neçə gün öncə Tərtər rayonu Həsənqaya kənd sakini Azad Həsənovun neytral zonada minaya düşdüyü barədə məlumat vermişdik. 1996-cı il təvəllüdlü Azad Həsənov Bərdə Mərkəzi Xəstəxanasına yerləşdirilib.
Unikal.org xəbər verir ki, modern.az saytı məsələni diqqətdə saxlayaraq, son durumu öyrənməyə çalışıb.
Tərtər rayon İcra Hakimiyyətinin başçısı Müstəqim Məmmədov bildirib ki, Azad Həsənovun vəziyyəti normaldır:
“Azad Həsənovla mütəmadi olaraq maraqlanıram. Vəziyyəti düzəlməyə doğru gedir. Bilirsiz ki, minanın ətrafa yayılan qəlpələri Azadın bədənin müxtəlif hissələrinə xəsarət yetirib. Ancaq onun bir ayağının pəncəsi amputasiya olunub. Hazırda cəbhədə sakitlikdir. Buna baxmayaraq düşmənin xisləti bəllidir”.
Qeyd edək ki, bu, Kəlbəcər rayonundan məcburi köçkün olan Azad Həsənovun ailəsində yaşanan ilk faciə deyil. Belə ki, 2016-cı ilin aprel döyüşləri ərəfəsində ermənilərin Həsənqaya kəndini artilleriya atəşinə tutması nəticəsində Azadın 16 yaşlı bacısı Həsənova Turanə Kamandar qızı həlak olmuşdu.

Related Articles

050-295-94-79
top