İNAM KƏRİMOVUN UMİDİNİ QIRAN ŞAHBAZ RZAYEV

Əlaqə: 994 50 295 94 79, aydinliqaz@mail.ru
  • 2
    Shares

Azərbaycan Respublikasının Kənd Təsərrüfatı naziri İnam Kərimov bu gün peşəkar kadr problemi ilə üz-üzə qalıb.

Peşəkar mütəxəssis olaraq hər zaman prezidentin ümidlərini doğruldan İnam Kərimov nazir təyin olunandan sonra bütün gücünü səfərbər edərək ölkədə kənd təsərrüfatının inkişafı üçün ciddi islahatlara start verdi. Bu sahədə ki, priroritet sahələri müəyyənləşdirəndən sonra nazirlikdə şəffaflığın təmin olunması, sahibkarların, fermerlərin səmərəli çalışması üçün bir sıra layihələrə start verdi. Amma məsələ heç də ürəkaçan olmadı. Bunun isə başlıca səbəblərindən biri yerli icra hakimiyyəti başçılarının öz maraqlarından çıxış etmələri oldusa, digər problemdə peşəkar mütəxəssis qıtlığı oldu. Bu səbəbdən yeni nazir köhnə kadrlarla işləmək zorunda qaldı. Belə mütəxəssislərdən biri də Azərbaycan Respublikasının Kənd Təsərrüfatı Nazirliyi yanında Dövlət Baytarlıq Nəzarəti Xidməti rəisi kimi fəaliyyət göstərən Şahbaz Rzayev oldu. Məlumata görə, ölkədə baytarlıq sahəsinin iflic olması səbəbindən nazirin ilk addımlarından biri də xidmət rəisini vəzifəsindən azad edərək bu sahəyə Şahbaz Rzayevi gətirməsi oldu. Amma Şahbaz Rzayev fəaliyyətə başlayan kimi nəin ki, islahatlara başladı, əksinə uzun illər bu sahədə az qala mafioz qruplaşmaya çevrilən şəxsləri ətrafına toplamaqla durumu daha da ağırlaşdırdı. “Gündəm Xəbər”in əldə etdiyi məlumata görə bu günün özündə bölgələrdə ki, xidmətin şöbələri yenə köhnə dədə-baba qaydasında işləməkdə, xidmət xətti ilə həyata keçirilən tenderlər isə biabırçı durumdadır. Ekspertlər bildirir ki, bu günün özündə xidmətin xəttiylə hər ay bir neçə yüz min manat pul qeyri-qanuni şəkildə kimlərinsə cibinə axıdılır. Bununla bağlı nazirə reallığı deyəcək kimsə yoxdur. Çünki, xidmət rəisi Şahbaz Rzayev bütün rıçaqları əlində cəmləşdirib və onun maraqlarından çıxış etməyən şəxslər bir günün içində çıxılmaz duruma salınaraq xidmətdən kənarlaşdırılır. Bununla bağlı araşdırmamızı nəzərinizə çatdıracağıq. İndilikdə isə tək bunu demək kifayətdir ki, adi araşdırmalara start verilsə xidmətin nələr etdiyini, nazirlik daxilində az qala gizli qüvvəyə çevrilmələrinin şahidi olaqrıq.

GundemXeber.Az

 

Related Articles

050-295-94-79
top