ZAKİR FƏRƏCOV QARDAŞININ QUDASINI NECƏ QORUYUR?

Əlaqə: 994 50 295 94 79, aydinliqaz@mail.ru
“Bizim külli miqdarda maddi zərərə düşməyimiz haqda şikayətlərimiz dəfələrlə mətbuatda işıqlansa da, bu barədə 5 il ərzində müraciət etmədiyimiz qurum qalmasa da problemimiz öz həllini tapmır”.
BakuPost xəbər verir ki, bu fikirlər bir qrup Sumqayıtdan olan sahibkar tərəfindən “AzPolitika.info”ya göndərilən şikayət məktubudan götürülüb. Məktub Füzuli Quliyev və Şiralı Əsgərov tərəfindən göndərilib.
Məktubda daha sonra bildirilir ki, 2013-cü ildə “Karvan” Ticarət Mərkəzində yanğın baş verən zaman Sumqayıtdan olan ticarətçilərə ümumilikdə 325 min manat zərər dəyib: “Zərərin miqdarı məhkəmə tərəfindən rəsmən təsdiqlənib. Şiralı Əsgərova 170 min, Füzuli Quliyevə 55 min, Dilavər Abdullayevaya (bu yaxınlarda dünyasını dəyişib) 100 min manat zərər dəyib.
Ancaq buna baxmayaraq 2016-cı Ağamirzə Əhədov öləndən sonra atasının yerinə “Karvan”ın icraçı direktoru vəzifəsinə keçən Kamil Əhədov (Ağamirzə Əhədov rəhbərliyi dövründə Kamil Əhədov onun müavini gedirdi) ədalətsiz olaraq bizə dəyən zərəri ödəmək istəmir”.
Sahibkarlar bununla bağlı ölkə rəhbərliyinə, bir çox məsul şəxsə müraciət etsələr də, nəticəsinin olmadığını bildirirlər. Şikayətlərinin baxılmaq üçün Sumqayıt Şəhər İcra Hakimiyyətinə (ŞİH) göndərildiyini, ordan isə onların probleminə biganə yanaşıldığını deyirlər: “İyunun 4-də məhz öz haqqımızı tələb etmək uğrunda bizimlə 5 ildən çox mübarizə aparan, xərçəng, şəkər xəstəsinə çevrilən, xəstə-xəstə Sumqayıt İcra Hakimiyyətinin binasının qabağında, ya da qəbul şöbəsində səhər saat 10-dan axşam 19:00-a qədər – 10 saatdan çox gözləyən Dilavər Abdullayevanın vəziyyəti pisləşdi və koma vəziyyətinə düşərək vəfat etdi.
Amma inanmırıq ki, belə şeylər “Karvan”ın rəhbəri Kamil Əhədova və onun havadarlarına təsir edə. Çünki o elə icra hakimiyyətində bizimlə axırıncı görüşdə dedii: “Hara istəyirsiz şikayət edin, onsuz da xeyri yoxdur, mən sizə pul-zad verən deyiləm. Mənə heç kim heç nə edə bilməz, nə bacarırsız, hara şikayət edirsiz edin…”
Sahibkarlar icra başçısı Zakir Fərəcovun da onları aldatdığını iddia edirlər: “Prezident Administrasiyasına, Sumqayıt ŞİH-ə çoxsaylı get-gəldən, tələblərimizdən sonra icra başçısı Zakir Fərəcov axır ki, bu il martın 12-də səyyar qəbul-görüş çərçivəsində bizi qəbul etdi. Görüşdə Zakir Fərəcova bizim üçümüzü də dinlədi və müavini, Fəzail Hüseynova göstəriş verdi ki, problem araşdırılsın. Qarşı tərəf – “Karvan”ın rəhbərliyinə bildirilisin ki, dəyən ziyanın müəyyən qismi  mütləq ödənilməlidir. Bu barədə yazılı göstəriş də verdi. Bir sözlə icra başçısı bizi ümidləndirdi ki, məsələ müsbət həllini tapacaq. Amma sonradan bizə aydın oldu ki, bu sadəcə bir oyun imiş.  Bizi-get-gələ salaraq, “prezident seçkidən sonra gələrsiz , sabah gələrsiz, filan günü gələrsiz ” – deyə-deyə vaxtı uzatdılar”.
Sahibkarlar bildirirlr ki, iyunun 22-də İcra Hakimiyyətinin binası qarşısında çətinkilə Zakir Fərəcovla görüşəndə o, tamamilə başqa fikirlər səsləndirib: “Zakir Fərəcovun qabağını kəsib onunla 5-10 saniyə danışmağa müvəffəq olduq. O bildirdi ki, “bu məsələ köhnə məsələdir, mənim dövrümdə olmayıb, mən nə bilim siz “Karvan”la bu beş ildə nə iş görmüsüz, mən nə edə bilərəm?! Gedin məhkəməyə müraciət edin”.
Halbuki bizimlə birinci görüşdə – səyyar qəbulda tamam başqa şey deyirdi.  Biz bunu ona xatırladanda, icra başçısı dedi ki, iyunun 27-si gələrsiz qəbul edəcəm, danışarıq. Sual olunur ki, əgər icra başçısı bunu etməyəcəkdirsə, onda niyə bu 5 ay ərzində bizi ümidli saxlamışdı. Əgər bu onun səlahiyətində deyildisə, elə əvvəlcədən də deyərdi ki, “məhkəməyə müraciət edin bizlik deyil”.
Halbuki bildiyimiz odur ki, icra başçısı şəhərdə əsas  söz sahibidir və real olaraq bir çox məsələlərə təsir edə bilir. Ola bilsin bu işdə Zakir Fərəcovun Kamil Əhədovla qohum olması rol oynayır? Belə ki, Kamil Əhədovla Zakir Fərəcovun qardaşı, deputat Nizami Fərəcov qudadırlar”.
Sahibkarlar Zakir Fərəcovun artıq onları qəbil etmədiyini bildirir: “Bundan başqa icra hakimiyyəti başçısı özü söz verdiyi kimi, iyunun 27- i bizi qəbul etmədi. Bizi həmişəki kimi onun müavini Fəzail iyunun 30-u qəbul etdi və Kamil Əhədovla görüşdürdü. İcra hakimiyyətində baş tutan görüşdə isə Kamil Əhədov kobud ifadələrlə bizi təhqir etdi, bizi yanan mallarımızın məbləğini şişirtməkdə, hətta reketçilikdə  ittiham etdi. Ondan pul almaq istəməyimizi bildirdi. Sual olunur, nə vaxtdan sahibkarın öz halal pulunu istəməsi reketlik olub?!”
Sahibkarlar Ticarət Mərkzəinin ümumu şəkildə sığortalandığını və buna görə də Kamil Əhədovun külli miqdarda pul aldığını bildirirlər: “Təhlükəziliyə o cavabdeh olub və ticarət mərkəzini də o ümumən sığortalayıb. Külli miqdarda sığorta pulu alıb. Biz ondan fərqli olaraq, dəyən zərərin heç də hamısını yox, müəyyən miqdarını istəmişik.  Bu barədə icra başçısı da yazılı göstəriş vermişdi.  Ancaq Kamil Əhədov Fəzail Hüseynovun kabinetində Füzuli Quliyevə dedi ki, “sənin nəslində bir kişi yoxdur sənə kömək etsin?!
Bu adam kimlərəsə güvənib görün nə qədər arxayındır ki, bizə deyir ki,”canınız çıxaydı mallarınızı sığortalayardız”. Halbuki dediyimiz kimi mallarımızın təhlükəzsizliyinə o cavabdeh olub. Bu barədə məhkənənin çıxartdığı qərar da var”.
Sahibkarlar bildirir ki,  icra başçısı Zakir Fərəcov ilk görüşdə İcra Hakimiyyətinin hüquqşünasına ”sığorta məsələsini kənara qoyun, bu adamların pulunu vermək lazımdır” deyib.
Şikayətçilərin sözlərinə görə, 2017-ci il yanvarın 30-u Sumqayıtda vətəndaşlarla görüşən Baş prokuror Zakir Qaralov da onları qəbul edib və deyib ki, ziyan mütləq ödənilməlidir: “2017-ci ilin 23 aprelində Zakir Qaralov şəxsən rəsmi qaydada Sumqayıt icra başçısı Zakir Fərəcova müraciət edib ki,  aşağıda adıçəkilən şəxslərə dəyən zərər təxirə salınmadan aradan qaldırılsın. Zakir Fərəcov bizimlə görüşdə yazılı şəkildə müavini Fəzail Hüseynova göstəriş verdi ki, bizim problem araşdırılsın və qarşı tərəf – “Karvan”ın rəhbərliyinə bildirilisin ki, dəyən ziyanın müəyyən qismi mütləq ödənilsin.
Bu aylar ərzində Fəzail Hüseynov bizi inandırmağa çalışırdı ki, bizim pulumuzun verilməsinə ən əsas Kamil Əhədovun qardaşı, DİN-in Baş Dövlət Yol Polisi İdarəsinin Binəqədi qeydiyyat-imtahan şöbəsinin müdiri vəzifədə işləyən polkovnik-leytenant Mübariz Əhədov süni əngəl törədir. O, zərərçəkmişlərə dəyən zərərin ödənilməsinin təmin edilməsinə razılıq vermir.
Bildirilirdi ki, “Karvan”ı qeyri-rəsmi,  dövlət məmuru ola-ola qanunsuz olaraq idarə edən Mübariz Əhədovdur. Lakin icra başçısı ilə görüşən Mübariz Əhədov iyunun 22-sində icra hakimiyyətinin binasında bizə dedi ki, “mənim adımı niyə hallandırırsız, ticarət mərkəzinin sahibi qardaşımdır. Gedin ona deyin, mənlik heç nə yoxdur. Mənim “Karvan”a heç bir aidiyyatım yoxdur”.
Sahibkarlar son vaxtlar icra başçısın qəbuluna belə düşə bilmədiklərini deyirlər: “Biz hər dəfə Fəzail Hüseynovun qəbuluna düşmək üçün belə, yüzlərlə dəfə ona zəng edirik.  Son günlər də Zakir Fərəcovun köməkçisi, həm də deyilənə görə yaxın qohumu Yalçın Fərəcova zəng edərək, icra başçısın qəbulun düşmək istəmişik. Amma icra başçısı  söz versə də, bizi qəbuk etmədi. Yenə də çətinliklə Fəzail Hüseynovun qəbulunda olduq ”.
Şikayətçilər bildirir ki, yenə də boş vədlərlə onları yola salıblar: ” Bütün bu qarşılaşdığımız haqsızlıqlardan sonra belə qənaətə gəlirik ki, icra hakimiyyətində indiyəcən bizi “yola veriblər”, yalançı vədlər veriblər. Əvəzində ikibaşlı oyun oynaraq qarşı tərəfə tərəfkeşlik edilib. Əvvəlcədən bizə qarşı qarşı tərəflə razılaşdırılaraq oyun oynanılıb. Bu cür yanaşma ilə məmurlar vətəndaşları narazı salırlar. Bu da onu göstərir ki, onlar prezidentin xalqa xidmət etmək haqda tapşırıqlarına məhəl qoymurlar. Görünən odur ki, vətəndaş görüntü  üçün qəbul olunur. Əgər bizim problem həll olumayacaqsa, bu qəbulun nə mənası var?”
Sahibkarlar icra başçısının himayədarlarının şikayətlərinin prezident İlham Əliyevə çstmasına da imkan verilmədiyi qənaətindədirlər: “100-lərlə şikayət məktubu yazsaq da bizə indiyəcən bir dəfə də olsun cavab gəlməyib.  Belə çıxır bu məktublar səlahiyyətli şəxlər tərəfindən gizlədilir, kənara qoyulur…”
Buna görə də sahibkarlar mətbuat vasitəsilə səslərini prezidentə çatdırmaq istəyirlər.
Şikayətdə qeyd olunanlarla bağlı  Sumqayıt Şəhər İcra Hakimiyyətinin və “Karvan” Ticarət Mərkəzinin icraçı direktoru Kamil Əhədovun da mövqeyini işıqlandırmağa hazırıq.

Related Articles

050-295-94-79
top