Xoşqədəmin verilişində reklam olmuş həkimə saxtakarlıq ittihamı – 10 min manat, yalan diaqnoz… – İDDİA (FOTO)

Əlaqə: 994 50 295 94 79, aydinliqaz@mail.ru
  • 1
    Share

Xoşqədəm Hidayətqızının reklam etdiyi həkim saxtakar çıxdı?

YENİLİK.AZ Minval.info-ya istinadən  xəbər verir ki, “Səni axtarıram” verilişində iştirak etmiş Mərkəzi Neftçilər Xəstəxanasının Cərrahiyyə və Orqan Transplantasiyası şöbəsininnin müdiri Dr. Mircəlal Kazımi yanlış diaqnozu ilə yeniyetmənin həyatını təhlükəyə atıb.

O, bir müddət öncə yardıma ehtiyacı olan Göytəpə şəhərə sakini 17 yaşlı Nərmin Xudiyevanı müayinə edib. Həkim müayinədən sonra xəstəyə qaraciyər sirrozu diaqnozu qoyub. Bununla yanaşı, Xudiyevanın ailəsindən 10 min manata yaxın pul alıb. Xəstə həyatının xilası üçün onun əməliyyatın vacib olduğunu söyləyib. Əməliyyatın gerçəkləşməsi üçün isə ailədən 40 min manat pul istəyib.

Eyni zamanda, həkim Nərminin özündəngetmə hallarının artmasından sonra isə xəstəxanaya yatırılması üçün 2500 manat depozitin qoyulmasını bildirib. Lakin xeyirxah insanların köməyliyi və araşdırmasından sonra məlum olub ki, diaqnoz yanlış qoyulub. Sən demə, N.Xudiyeva əslində qaraciyər sirrozundan deyil, Vilson xəstəliyindən əziyyət çəkirmiş. Onun sağalması üçün əməliyyata heç bir ehtiyac yoxdur.

Xatırladaq ki, yerli mediada Zaur Baxşəliyevin verilişində iştirak edən həkim barəsində saxtakar xəbərlər yayıldıqdan sonra Hidayətqızı canlı yayımda aparıcıya söz atıb. Xoşqədəm “mən efirə çağırdıqlarım həkimləri araşdırıram” deyib.

Qeyd edək ki, bu ilin yanvar ayında Gürcüstan Baş Prokurorluğu Mircəlal Kazımi barədə məlumat yayıb. Məlumatda həkimin pasientlərini böyük həcmdə pul vəsaitinin mənimsənilməsi və mənimsənilməsi cəhdi ilə bağlı başlanılmış cinayət işi üzrə ittiham olunduğu deyilib.

Məsələ ilə bağlı Mircəlal Kazıminin vəkili Ceyhun Yusifov minval.info saytına danışıb. O bildirib ki, bütün deyilənlər yalandır: “Həm Azərbaycanda, həm də Türkiyədə qoyulan diaqnoz göstərir ki, həkim tam doğru iş görüb. Mircəlal həkim Avropa təhsili görüb. Mükəmməl bir həkimə qarşı qara piar aparırlar. Həm hüquqi, həm də insani baxımdan düzgün deyil. Onun 1 ildə 500-dən çox əməliyyatı olub. Mircəlal Kazımi onlarla insana sevinc verib. Bunları unutmaq olarmı? Bütün deyilənlər yalandır, böhtandır. Professora qarşı qara piar kampaniyasıdır”.

Related Articles

050-295-94-79
top